香港寬頻起中期業績(最尾個兩頁)公佈，於2月28日號已發行股份總數約為10億股，而起4月30號就有大約3億股新普通股按每股11.60港元之價格發行。即係現時股份總數為13億，股東股權被攤薄左大約23%。

點解會有咁多新股份發行呢?原因在於收購WTT Holding Corp係以公司股份與賣方貸款票據支付。收購WTT Holding Corp代價大約為54億港元，其中約35億港元透過股份結付；及19億港元透過發行賣方貸款票據結付。由於4月30號已完成合併，約3億股新股就已經同時發行。

不過股權被攤薄又有乜所謂?近年負債大增亦都冇所謂。只要Ebitda同經調整現金流有增長，股息有增長，市場就繼續受落，股價可能繼續有得升。

只可惜我唔識欣賞呢類股票。