相信好多睇好Apple 嘅投資者，都會憧景Apple iOS 網絡越漸擴大，成為消費者生活中嘅重要部分。

Apple 嘅一個間接對手－Amazon，似乎比起Apple 更有能力去實現哩個大眾憧景。

以音樂訂閱為例，Apple 同Spotify 本來都算競爭激烈，搶緊新用戶，但落後於兩者嘅Amazon 推出嘅 Amazon Music 係舊年就錄得70%嘅用戶增長（Amazon Music 嘅用戶規模只係Apple 嘅～3份2，同Spotify嘅～3份1）。

Amazon 咁打得，其實係因為佢嘅生態更容易可以走入消費者嘅生活。Amazon 嘅網購服務並唔需要用家購買任何設備，變相更容易吸引用戶，再利用輕易得黎嘅用戶網絡，去推銷其他服務。

相反，Apple 嘅成名係基於硬件產品，要擴大網絡，Apple 就要確保硬件產品持續吸引到人。有人會因為用緊iPhone，覺得方便，而順便再訂閱埋Apple Music；但理論上應該無咩人會倒返轉，因為覺得Apple Music好用，而特登買iPhone。