🏡 - 呢輪問股既唔多，問「樓」既倒不少，不過有少少轉變，以往問幾時跌，幾時可以買. 但近排問樓既通常問，想賣樓攪移民，移去xx好唔好🤷🏻‍♂️

.

💰即係咁，小弟應該如果大家環境鬆動既，家庭又可配合，攪唔攪移民就自己定啦，但如果你話賣層樓，用呢錢黎移民，咁我又唔多贊成，未去到「堅決反對」，但如果賣完樓，移埋民，但去到一個陌生環境再黎過，咁堅好搏喎，加上外國個景唔多靚仔，去到做咩先？

.

💰最後，幾十年前美孚新村的廣告，月供千幾，係果陣黎睇其實好離地，可以問下阿爸阿媽60-70年代揾幾錢一個月既，我唔係想講港樓長線必升，只係想話，當時既人唔係好多機會出國，就連睇場外國波都要一個月後等轉播先睇到嫁咋，但我哋而家唔同，世界好大既，如果堅覺得香港麻麻地，咪投資第二度囉，唔一定話要走既😉

.

⭐️侵侵講左堆大家都計到既嘢，咁暫時問題不大，轉入去六月，記住今個月係六絕，小心，小心，小心。 市今週有幾彈升先，記得走走貨. 移卡（9923）暗盤就唔靚仔，但其實基本唔錯，如穿招股價咁慘，跌多過1成外，可小注小注.

.

☕️☕️☕️