今日財爺波叔公佈今年推岀的ibond 保證最低息率2%，比以往高。Ibond係與通脹掛鈎債券，入場費1萬元，3年期，每半年派息（浮息），息率係根據以過去6個月本地平均通脹率計算。簡單後講即係如果通脹率係2.5%，息率就會上調至2.5%，假設面臨通縮，息率仍然保底2%。

可能2%對你黎講唔吸引，但ibond發行人係政府，雖然近期信貸評級係被下降（如圖），但整體黎講評級仍然優良，風險相對較低。而且現時低息環境，定存利率又低，ibond 相對黎講係吸引。

參考以往經驗，我相信銀行或劵商人會推出不同優惠例如「五免」（豁免認購手續費、存倉費、代收利息費、贖回費、二手買賣交易費用），另附上過去ibond 首日升幅圖均高於通脹率，可以選擇首日賣出，無需等到到期日，睇完呢到的你仲會唔人入手？

利申risk free 穩賺的東西我當然參加🤓當攞番平時政府收你的股票印花稅，或者賺餐飯食都好。

#不構成買賣建議