市面上有好多唔同嘅投資工具，其中一種近年嚟經常都會聽到嘅投資工具，叫做派息基金，究竟乜嘢係派息基金呢？佢同退休又有咩關聯呢？

【什麼是基金】

基金就即係，集合咗一班人嘅資金，由基金經理集中管理投資，投資標的包括不同的股票或者債券，以創造更高嘅投資回報。

打個比喻，有一班人夾份去開一間百貨公司，入面有好多唔同種類嘅貨品。當百貨公司做生意賺到錢之後，扣除曬所有成本開支，剩低嘅利潤 ，就會比夾份做生意嘅投資者去平分。

夾份做生意嘅人 = 投資者

百貨公司 = 基金

百貨公司入面幾百樣貨品 = 基金入面唔同嘅股票同債券

基金會直接喺價格到反映到佢嘅表現做得好唔好。而派息基金就除咗喺價格反映之外，仲會每月派發分紅俾投資者，分紅會以現金方式派發到投資者指定嘅銀行戶口。

【每年收5至7厘息？】

每年收5至7厘嘅息，即係例如投資100萬，每年可以收到5萬至7萬利息，即係每個月收4千幾至5千幾嘅利息。

系咪做到架?

視乎你點樣揀。

至於點樣揀，我哋可以從MorningStar個網站可以睇到。

MorningStar創立喺1984年，總部喺美國芝加哥，好多分析師、顧問、個人投資者都係用。以前做Audit搵supporting，都有系呢個網站搵資料。市面上，包括銀行同埋保險公司大部分嘅基金都可以喺MorningStar入面搵到。

網站會對基金進行評級，1星係最低，5星系最高嘅評級。評級高唔代表低風險。簡單啲講過，表現越做得好嘅基金越高評級。

係Morning Star入面，你可以揾到基金所有嘅資料，包括收費、投資組合、風險等等。

我就專門去揀一啲評級為五星嘅基金，因為都已經有專業嘅投資網站，為我哋去俾最高嘅評級　咁我哋亦都冇需要去選擇低評級嘅基金。

【安聯Income and Growth基金am】

喺700幾隻5星基金入面，可以用安聯Income and Growth基金am嚟作例子。基金由二零一二年成立，投資標的主要係美國市場，1/3股票、1/3債券、1/3買緊可換股債券（乜野係可換股債券呢，簡單啲講既系股票，又系債券，有興趣可以私底下交流）。管理緊嘅總資產系兩千幾億港幣。年化息率大概7%呢個範圍。

打開網站裡面嘅圖睇，五年基金嘅表現，就係經歷咗世界一啲大事嘅發生，包括貿易戰、疫情等等，雖然中間有波動，但整體都系平穩咁上升。成立至今，總回報超100%，呢個升幅包括埋已經派發嘅利息。

假設2012年，用一百萬買入安聯收益及增長基金作為收息用途，一路持續持續收息，去到2021年，基金價格加已經收咗嘅利息，總值大約為200萬。

【同退休有咩關聯】

派息基金幫唔幫到我哋退休之後嘅生活呢？

其實任何人，無論系咪已經退咗休，都需要為自己製造被動嘅收入。唔係所有人都可以拎到一大筆嘅退休金。我哋亦了解到，單靠強積金並唔足夠支撐退休之後嘅20年至30年嘅生活。

另外，我亦要補充一點，唔好覺得因為派息基金派嘅息高，你就可以將大部分甚至全部嘅資金調動去做派息，記得一定要分散風險，做好風險管理。你亦要有足夠嘅現金流去應付日常嘅開支，但係記住唔需要太多，因為銀行係冇息比你。

有人會擔心，驚買入嘅時候價格太高，一買入就蝕錢。首先要搞清楚買派息基金嘅原則，佢唔係幫你高風險投資，賺大錢。佢係幫你自己製造穩定嘅被動收入，減低生活上面嘅負擔。

【派息基金值得買嗎？】

自己嘅公司也準備推出派息基金，咁值得購買嗎？

我相信好多人對於投資好叻好有心得，但係，我更加相信，如果你系一個真正懂得投資嘅人，你更加會將你嘅個人資產，分散投資，因為唔同嘅資產有唔同嘅特性。

一啲係你備用現金、一啲係可以資產增值、一啲係可以製造被動收入。

唔同特性嘅資產，組成一個組合，先可以相輔相成。

當你唔需要再為金錢煩惱嘅時候，你會發覺，呢個世界除咗金錢以外，您仲有好多嘢可以追求，包括家庭、你嘅興趣、你嘅朋友。

-----------------------------------

保險人+香港註冊會計師（HKICPA）+香港註冊財務策劃師（CFP）。曾任上市公司授權代表及董事會秘書和四大會計師事務所Audit Manager。喜歡研究投資賺錢的事情，見識過很多有錢客戶的賺錢模式。喜歡投資自己，買大神們各式各樣的網上課程來看。閒時寫點字，分享自己的所見所聞。

本文章純粹是個人分享，用於學習交流用途。所有資訊僅供參考，並不構成招攬、邀約、誘使、建議或推薦任何投資相關項目。投資涉及風險，請量力而為，有關風險屬於個人意見推測，未必一定與市場發展同步相同，敬請留意。