美股上週升勢強勁，臨尾更推動三大指數創新高，實在好振奮。面對住中美貿易談判此等不明朗因素，大市仍然有力，全因上周聯儲局嘅Powell 去咗國會作證。

Powell 的證詞被視為「鴿派言論」，因為Powell 似乎刻意淡化上月嘅利好數據，將重點放咗係美國經濟的不明朗前景，例如貿易戰、環球經濟復甦、美國債務上限等。正因係咁，聯儲局嘅減息部署亦被市場視為「幫經濟買保險」，即用寬鬆政策黎防備經濟下行。之但係，如果聯儲局真係將「減息」當成保險黎推行嘅話，好大可能會為經濟帶來更大嘅不確定性。

除非有強大嘅外來需求，可以為美國經濟製造持續需求，經濟周期總會走到盡頭。聯儲局的寬鬆措施亦非無窮無盡。假如聯儲局為咗幫經濟買保險而將法寶用得七七八八，當真正災難來臨時，紓困措施可能已經唔足夠。更大鑊嘅係，到時市場可能會因為預期紓困措施有限而產生恐慌，最終令下行力度更加大。

從大市表現黎睇，似乎市場對減息幾樂觀，甚至可能係過分樂觀。作為投資者，個人認為無咩必要參與炒作，反而應該多啲了解一下自己嘅組合，例如息率變動，又或者經濟下行嘅影響。

文章的所有內容純粹為筆者的個人看法和投資部署，並非任何投資意見。文章的所有內容只適用於筆者，並不構成任何建議及推薦。